فری طبی کیمپ

وَلَا تَبْخَسُوا النَّاسَ أَشْيَاءَهُمْ

اور لوگوں کو ان کی چیزوں میں کمی نہ دو — سورۃ الاعراف: ۸۵

فری طبی کیمپ کی سہولت اُن افراد کے لیے ہے جو واقعی علاج اور ادویات کے اخراجات برداشت کرنے سے قاصر ہیں۔ لہٰذا ہمارے معزز بھائیوں اور بہنوں سے مؤدبانہ گزارش ہے کہ اگر اللہ تعالیٰ نے آپ کو مالی وسعت عطا فرمائی ہے اور آپ اپنے علاج و ادویات کا خرچ برداشت کر سکتے ہیں تو فری سہولت کسی حقیقی مستحق کے لیے چھوڑ دیں اور اپنی استطاعت کے مطابق علاج و ادویات کی رقم ادا کر کے اس نیک کام میں تعاون فرمائیں۔

آپ کا یہ تعاون کسی مستحق مریض کے لیے مفت علاج اور دوا کا ذریعہ بن سکتا ہے۔ مستحقین کے حق کا خیال رکھیے — غیر مستحق ہوتے ہوئے فری سہولت حاصل کرنے سے ممکن ہے کوئی حقیقی ضرورت مند اس سہولت سے محروم رہ جائے۔

ساتھ ہی مؤدبانہ گزارش ہے کہ بلاوجہ یا غیر ضروری طور پر ادویات حاصل کر کے انہیں ضائع نہ کریں۔ یہ طرزِ عمل شرعی اور انسانی دونوں اعتبار سے مناسب نہیں، کیونکہ اس سے کسی حقیقی مستحق کا حق متاثر ہو سکتا ہے۔